గజల్................

జ్ఞాపకాల వానలలో మదివనం తడుస్తుంది||
చిన్ననాటి కొంటెతనం ఊహలలో మెరుస్తుంది||

మనసునేదొ అలజడిలే వెలికిరాక చిరునవ్వులు
ఆశలన్ని భావాలలొ పలికిస్తూ మురుస్తుంది||

ముత్యాలే మాలలుగా నీకోసం అల్లుతున్న
నీనవ్వులు మరికాసిని అందిస్తే ముగుస్తుంది||

అంతరాన్ని ఏలుతున్న నీరూపమె మురిపిస్తూ
మరోధ్యాస లేకుండా దప్పికనే మరుస్తుంది||

గుండెనిండ ఆలోచన తడుపుతున్న గురుతులెన్నొ
నీమాటల ఆలాపన మనసు ఆగి నిలుస్తుంది||

నిత్యపూజ కోసమేగ పువ్వులేరి తెచ్చాను
మాలగుచ్చి దేవునిమెడ అలరిస్తే తరిస్తుంది||

నీకనులే పలికించే భావాలలో ప్రేమలెన్నొ
మధుర'వాణి' మనసంత అనురాగమె కురుస్తుంది||

......... వాణి , 3 july 15