గజల్ మహల్.....

చిరునవ్వులు చిరుజల్లుగ కురవాలని ఆరాటం ||
ఆహ్లాదం హరివిల్లుగ విరియాలని ఆరాటం ||

పదిలమైన నా భావం పెదవులతో చెప్పలేను
అక్షరముతొ నీ మదిలో మెరవాలని ఆరాటం ||

చూపువెతకు ఆశలెన్నొ హృదినిండిన తలపులెన్నొ
బతుకంతా నీ గుండెలొ ఒదగాలని ఆరాటం ||

నివేదించు విన్నపాలు కధలెన్నో అల్లుకుంటు
మది వేదిక నాదౌతూ నిలవాలని ఆరాటం ||

మౌనవాణి మనసుచెప్పు కనుకదలిక సందేశం
దరిచేరగ సంకోచము వీడాలని ఆరాటం ||

అలుపెరగని తపనెంతో తనజతగా నడవాలని
సంగమమే నా కోరిక తీరాలని ఆరాటం ||

...........వాణి, 4 April 16