॥ చేశాను॥

పొత్తిళ్ళలొ ఎత్తులన్ని నేర్వడమే చేశాను॥
నావేలును నీపిడికిట పట్టడమే చేశాను॥

నీ బుడి బుడి అడుగులలో గెలుపులెంత సంబరమో
నీ నడకల విజయాలకు సన్నాహమే చేశాను॥

రోజు రోజు నీ మార్పుకు చెప్పలేని సంతోషం
నీ భవితకు నాబాధ్యత యోచనమే చేశాను॥

నీనాన్నగ నన్నేంతో గర్వముతో చూడాలని
ఆదిశగా నావంతుగ ప్రయత్నమే చేశాను॥

బంగారపు బాటలలో నీనడకలు వెలగాలని
రాళ్ళబాట ఎదురైనా సాహసమే చేశాను॥

గెలుపు'వాణి' నేస్తాలకు వినిపించాలనుకుంటూ
అడుగడుగున శ్రమపడుతూ ఫలితమే చూశాను॥

......వాణి ,7 May 15