॥ హృదయం॥
ఏ మౌనం మాటాడితె స్పందించెనొ నా హృదయం ॥ 

ఏ పుష్పం  పరిమళముతొ పులకించెనొ నా హృదయం॥  

నీపెదవుల పలుకరించ అలలహోరు ఎడదలోన 

ఏ ప్రణయపు ఆవిరులను స్పర్శించెనొ నా హృదయం ॥ 

విహరించే మనసంతా నీధ్యాసల మొహంతో 

ఏ నిశబ్ద రాగాలను ఒలికించెనొ నా హృదయం ॥ 

నీవులేని వెలితితోన జాబిలితో ఊసులెన్నో 

ఏ కాంతి కిరణాలను శోధించెనొ  నా హృదయం ॥ 

మధుర'వాణి' నాట్యాలే మయూరాన్ని తలపింపగ 

ఏమార్పుతొ పరవసించి అలరించెనొ నా హృదయం॥ 

....వాణి