|| గజల్ ||

ప్రభాత వెలుగులో మంచునే కురిసిపో ||
పువ్వులో తియ్యగా మధువునే నింపిపో ||

రేయంత కలలలో సంబరం నింపుతూ
గుర్తుగా నవ్వుల స్వప్నమే ఇచ్చిపో ||

మౌనాల జ్ఞాపకం ఆశనే గెలిచినా
మాటలా పరవశం వాణినే చేర్చిపో ||

కంటిలో చెమ్మగా చూపులో వెతికినా
గుండెలో చెలిమిగా ప్రేమేనే ఒలికిపో ||

నింగిలో జాబిలీ నిత్యమై నిలిచినా
మనసులో జ్యోతివై వెలుగువై నిండిపో ||

కిరణమే రంగులా చినుకులే రాల్చగా
బతుకులో ఆశల శోభనే అద్దిపో ||

………వాణి ,7 .12. 15