గుండెల్లో వేదనలను తుడిచివేయు నీగజల్ ||
కంటితడిని తన్మయముతొ చెరిపివేయు నీగజల్ ||

చిరునవ్వుగ చేరదీసి చైతన్యపు దారిచూపి
మదిలోతుల భావాలకు వెలుగునీయు నీగజల్ ||

నిశ్శబ్దంలొ ఒంటరిగా ప్రవహించే భావఝరులు
నిలిచిపోవు సంపదగా చేరదీయు నీగజల్ ||

కన్నీటీ చుక్కలేగ నా వాణీ పదములనిధి
వాక్యాలకు అందమిచ్చి ఊపిరీయు నీగజల్ ||

కమ్మనైన మాత్రుభాష అక్షరమే అమ్మగా
మనసుతడిని మధురముగా వెలికితీయు నీగజల్ ||

చింతలలొ చిరుదివ్వెగ చేయూతగ తోడునిలచి
గాయాలే గానమౌతు గెలుపునీయు నీగజల్ ||

.............వాణి , ౩౦ nov 15