గజల్ కాన్వాస్ ……36

నీ కిల కిల నవ్వులన్ని గుప్తంగా మారిపోయె ||
నీ అందం పత్రముపై చిత్రంగా మారిపోయె ||

కురుస్తున్న చినుకులుగా నీ ధ్యాసల తలపులులే
మనసులోని మాటలన్ని కావ్యంగా మారిపోయె ||

నీ స్పర్శే దూరమైన ఎదనిండుగ నీవేగా
ఎడబాటుల సమయమంత మౌనంగా మారిపోయె ||

కంటిలోన నీ రూపం గుండెలోన తొలి కాలం
ఎదురుచూపు క్షణాలన్నిఇష్టంగా మారిపోయె ||

మనప్రేమల మందిరంలొ ఆలాపన సమీరాలు
మధురమైన అనుభూతుల సాక్ష్యంగా మారిపోయె ||

మహలులోన అడుగడుగున నీ శిల్పం నిలిపాను
జన్మంతా నీస్మృతులె లోకంగా మారిపోయె ||

కరిగిపోని నిధులుగా దరహాసపు వెలుగులెన్నో
తనివితీర జీవించగ ప్రాణంగా మారిపోయె ||

..........వాణి ,15 dec 15