గజల్...................

మౌనంలో ఆంతర్యపు భావమెవరు చెప్పాలట ||
చేజారిన చిరునవ్వుల తీరమెవరు చేర్చాలట ||

అందలేని ప్రేమేదో దోబూచులు ఆడుతోంది
మానసాన్ని హత్తుకునే దారిఎవరు చూపాలట ||

గుండెలోన దిగులేదో నన్ను వీడి పోన్నన్నది
ఆదరింపు ఆత్మీయపు కౌగిలెవరు ఇవ్వాలట ||

చిన్ననాటి స్మృతిఏదొ జ్ఞాపకంలొ మెరిసింది
బాల్యానికి తరలివెళ్ళు భాగ్యమెవరు ఇస్తారట ||

వెన్నెలలో వన్నెలెన్నో మనసుచెప్పు ఊసులెన్నొ
మధురూహల మురిపాలకు తోడుఎవరు వస్తారట ||

మౌనవాణి సాధించిన స్వప్నమేమో పగిలిపోయే
ఉప్పొంగే వేదనలకు అండఎవరు ఉంటారట ||

దాహంతో ధరణిమాత తల్లడిల్లె తడి స్పర్శకు
మబ్బులన్ని అలిగివుంటె చినుకులెవరు రాల్చాలట ||

చీకటంత చుట్టుకుంది జాబిలేమో దాగుంది
నిశలుచీల్చ నెలరాజుకి తోవ ఎవరు చూపాలట ||

......................వాణి, 20 dec 15