కలలన్ని నెరవేర్చె వరమొకటి కావాలి ||
కలతలను కడిగేటి గెలుపొకటి కావాలి ||

ఊహలో ఉనికిలో జ్ఞాపకం కదిలిస్తె
గాయాన్ని ఏమార్చు నిదురొకటి కావాలి ||

కోరికలె ఓటమై నిరాశలె నిధులయితె
మోవిపై నర్తించు నవ్వొకటి కావాలి ||

వేకువకు నిర్దయే నిన్నలలొ నిలుపుతూ
కన్నుల్లొ వెన్నెలగ ఆశొకటి కావాలి ||

చీకటిలొ వర్ణాలె తోడైయ్యె ధైర్యాలు
నీడలో తోడైన వెలుగొకటి కావాలి ||

మౌనాలు శూన్యాలు తోడుండె నేస్తాలు
భావాల్ని ప్రకటించు పలుకొకటి కావాలి ||

...,...వాణి, 23 Oct 16