1. ॥ కడలి॥ 

అలసి పోని ఆకెరటం ఆరాటం చూస్తున్నా!!
మునుముందుకు సాగాలని పోరాటం చూస్తున్నా!!

ఓటమెంత ఎదురైనా ప్రయత్నం మాననంటూ
తీరాన్ని చేరాలనె ఉబలాటం చూస్తున్నా!!

అడుగులను తుడిచేస్తూ  గతం మరచి నడవమనే

తరంగాలు నేర్పుతున్న  గుణపాఠం చూస్తున్నా!!

కడలి నీరు కంటనీరు వ్యర్ధమనీ  చెపుతున్న  

ఊరడించు సాగరపూ సంస్కారం  చూస్తున్నా!!

సముద్రపు సాంగత్యం కెరటాలే తోడుగా

ఓదారిన మనసుల్లో ఉత్కంఠం  చూస్తున్నా!!

మధుర'వాణి' కవనంలో తీరము నేర్పినపాఠం 

భావాలలొ  పలికించిన  అనుభవం చూస్తున్నా!!

........వాణి