॥ దాచింది॥ గజల్

ఆకాశం ఎత్తులోన ఆశేదో దాగుంది !!
లోతంటూ మనసులోన దిగులేదో దాగుంది !!

వినువీదిన వెతుకుతున్న మదినలేని ప్రకాశమె 
మేఘంలో చందమామ వెలుగేదో దాగుంది!!

చిరునవ్వులు పండించిన బాల్యాన్నే తలపిస్తూ
నేస్తాలతో ఆడుకున్న గురుతేదో దాగుంది!!

వెలికిరాని గాయాలే మనసులోన సంఘర్షణ
మౌనంగా హృదయాన తడియేదో దాగుంది !!

మధుర 'వాణి' తలపులలో చెరిగిపోని గురుతులెన్నొ
గుండెగది లోలోతున వేదనేదొ దాగుంది !!

.......వాణి,27 April 15