॥ నీకోసం ॥ గజల్ 

నామదిలో వలపంతా నింపుకున్నా నీకోసం
నాదరికే చేరెదవని వేచివున్నా నీకోసం

నీధ్యాసనె తలపంతా నీతపనే మనసంతా
ఊహల్లోను వయ్యారమె ఒలుకుతున్నా నీకోసం

సొమ్ములెన్నొ ధరియించి సొగసంత నింపుకునీ
హృదయంలొ మైమరపులు దాచుకున్నా నీకోసం

నాసొగసులు నీకన్నులు కొసరికొసరి చూస్తుంటే
నీఅడుగులు నావైపుగ కోరుకున్నా నీకోసం

ఎదమీటు రాగాలే నాపలుకుల పదనిసలే
పరితపించి కొత్తరాగం పాడుతున్నా నీకోసం

స్వప్నంలో నీస్పర్శలు మనసంతా సందడులే
మధుర'వాణి' పలుకులకై కాచుకున్నా నీకోసం

......... వాణి,