॥ ఉంటుందని ॥ గజల్ 

భావించా తనకన్నుల విరహమేదో ఉంటుందని॥
తలపించా తనమనసున తమకమేదో ఉంటుందని॥

అడుగడుగున తనధ్యాసన అక్షరాలే లిఖించా
మదినిండా నాపైననే ప్రేమేదో ఉంటుందని॥

తనచేతుల ముద్రలలో నాపైనే మెచ్చుకోలు
శబ్ధించే పాదాల్లో వర్ణనేదో ఉంటుందని ॥

మదిలోపల తనరూపం చిరునవ్వులు చిందించును
ముసుగులోన నాకోసం మెరుపేదో ఉంటుందని ॥

నింగిలోన జాబిల్లిలొ తనకోసం చూస్తుంటే
ముసిముసిగా నావెనుకే వెలుగేదో ఉంటుందని ॥

మధుర'వాణి' మాటలలో అమృతమే కురుస్తుంటే
తనపలుకుకు ఎదురుచూచు గడియేదో ఉంటుందని॥

....వాణి