నవ్వుల సవ్వడి మనసును తాకే వెన్నెల ధారా ||
బీడుగ మారిన మదిలో కురిసే వెన్నెల ధారా ||

.
నిలిచిన నీడలు కాంతులవైపుకు తరలే సమయం
మౌనం ఓడుతు వాణిని గెలిచే వెన్నెల ధారా ||

.
కన్నుల ముందుకు చూపులు వెతకని ఆశ్చర్యాలే
ఊహల తెమ్మెర బొమ్మై నిలిచే వెన్నెల ధారా ||

.
నడిచే దారికి వెలుగుపువ్వులే స్వాగత మన్నవి
నిశలే చేరని హాసం  చిలికే వెన్నెల ధారా ||

.
వేదన మనసే సుఖాల తీరం చేరిందిపుడే
ఆశలు శిఖరం అంచున కులికే వెన్నెల ధారా ||

.
చినుకులు తడిపితె ఙ్ఞాపకమౌతు బాల్యపు తళుకులు
తియ్యని భావం  కవితై ఒలికే వెన్నెల ధారా ||

.
.......వాణి, 7 August 16