దుఃఖాలకు తెరతీసే మౌనాలని కోరుకోను ||
కన్నీళ్ళే వర్షమైతె తడవాలని కోరుకోను ||

.
సంతోషపు సామ్రాజ్యం ఏలాలని ఉందినాకు
వేదనలకు స్వాగతాలు పలకాలని కోరుకోను ||

.
కష్టాలను ఇష్టంగా రమ్మంటూ పిలవాలా
జీవితాన్ని చీకటితో నింపాలని కోరుకోను ||

.
జాలిలేని ఆ దేవుడు శిక్షలెన్నొ వేస్తుంటే
విధిరాతకు తలవంచుతు బతకాలని కోరుకోను ||

.
మధురమైన భావాలను మౌనవాణి గెలవాలీ
శాంతిలేని అడుగులతో సాగాలని కోరుకోను ||

.
నిశ్శబ్దం బద్దలైతె మాధుర్యపు రాగాలే
స్వప్నాలకు వీడుకోలు చెప్పాలని కోరుకోను ||

.
వాణి, 6 August 16