ఆరిపోవక కలలగూటిలొ కదులుతున్నది దుఃఖమే ||
వెతలమనసును వీడలేకనె వేగుతున్నది దుఃఖమే ||

జాలిచూపులు గాయమౌతు గుండెనిండిన మౌనఘోష
కలవరాలను కంటిఇంటిలొ మోయుచున్నది దుఃఖమే ||

చీకటైనది బాటఅంతా తోవతెలియక సాగుతూ
మిణుకువైనా కానరాకనే మసలుతున్నది దుఃఖమే ||

తప్పిపోవవి గతమునీడలు ఈదుతున్నవి ఉప్పునీటిలొ
నిశలునిండిన హృదయగదులను ఏలుతున్నది దుఃఖమే ||

తలపులేవో తట్టిలేపెను మనసుతడితొ మసకబారెను
ఓపలేకనె ఙ్ఞాపకాలను తాగుతున్నది దుఃఖమే ||

కానరాదేం స్వప్నలోకం నిదురకడుగులు దూరమమైనవి
వెలుగుతీరం జాడవెతుకుతు సాగుతున్నది దుఃఖమే ||

మధురవాణిది మౌనఘర్షణ మనసుయుద్ధం ఆగిపోనిది
కంటిచెలమలు ఎండిపోకనె కరుగుతున్నది దుఃఖమే ||

.......వాణి,  29 Dec 16