వేదనకు భావాన్ని వెతకడం నేర్చుకో ...||
గాయాన్ని గరళాన్ని గెలవడం నేర్చుకో ...||
రాలింది ఓ పువ్వు స్వప్నాలు ఏమార్చి
మౌనాన్ని మధురంగ మలచడం నేర్చుకో...||

దిశలన్ని తారాడి ధైన్యాన్ని ఓడించు
కష్టాన్ని మలుపుగా మార్చడం నేర్చుకో...||
గుండెల్లొ దుఃఖాలు చెమరించుతున్నాయి
కన్నీటి కథలల్లి చెరపడం నేర్చుకో.....||
ఓ వాణీ మనసంత మౌనాల గేయాలు
భావాల రాగాలు పలకడం నేర్చుకో....||
ఎడారిలొ దాహాలు గుండెలో వేదనలు
కన్నీటి సంద్రాన్ని ఈదడం నేర్చుకో...||
......వాణి కొరటమద్ది