గజల్ ............

వేగిరమే రావయ్యా చిట్లి పోయె ధరణిచూడు ||
వరుణుదేవ పలుకరించు పగిలిపోయె పుడమిచూడు ||

కలుపుమొక్క కరువాయెను జంతుజాతి ఎండుతూ
తడిస్పర్శకు తొందరాయె చీలిపోయె నేలచూడు ||

కనులు తెరచి నేలతల్లి చూస్తున్నది నింగివైపు
చితికిపోయి బతుకులెన్నొ వలసపోయె దారిచూడు ||

మొలకెత్తగ విత్తులనే అవనికెంత ఆత్రమో
ఆలస్యము భారమౌతు తరలిపోయె రైతుచూడు ||

పాలుకారు పసి పిల్లలు బతుకువేట మొదలెట్టిరి
ఏలికలకు కానరాని తరలిపోయె జీవిచూడు ||

...…..వాణి, 14 oct 15