గజల్.............
వరుణుడిలా దయచేసే వరం ఒకటి కావాలీ ||
పరిమళించు మట్టి తడుపు జల్లు ఒకటి కావాలీ ||
పరిమళించు మట్టి తడుపు జల్లు ఒకటి కావాలీ ||
రైతుగుండె వేసారెను కన్నీటిని మోయలేక
ప్రాణమిచ్చి నిలువరించ వానఒకటి కావాలి ||
ప్రాణమిచ్చి నిలువరించ వానఒకటి కావాలి ||
వేలాడెను తరువులన్ని వేరుతడిసె తడిలేక
చిరుగాలితొ పలుకరించ సోన ఒకటి కావాలీ ||
చిరుగాలితొ పలుకరించ సోన ఒకటి కావాలీ ||
పగిలిపోయె నేలంతా కరువుకు రుజువౌతూ
మేఘమైన జాలిచూపి వర్షమొకటి కావాలి ||
మేఘమైన జాలిచూపి వర్షమొకటి కావాలి ||
కాలమంత ఒకటౌతూ నిత్య గ్రీష్మమౌతుంటె
తడితనముతొ మేల్కొల్పే ఉదయమొకటి కావాలీ ||
తడితనముతొ మేల్కొల్పే ఉదయమొకటి కావాలీ ||
కర్షకునికి సాగుబడే వ్యదాభరితమైపోయె
పొలంతడిసె దారి చూపు మార్గమొకటి కావాలీ ||
పొలంతడిసె దారి చూపు మార్గమొకటి కావాలీ ||
..................వాణి కొరటమద్ది,11సెప్టెంబర్ 15
No comments:
Post a Comment