గజల్ ...
మనసులోని మౌనాలను తొలగించగ రావా ||
నవ్వునింపి జీవితాన్ని వెలిగించగ రావా ||
నవ్వునింపి జీవితాన్ని వెలిగించగ రావా ||
కన్నీటిని మోయలేక భారమౌతు ఉన్నాను
సిరివెన్నెల జల్లులను కురిపించగ రావా ||
సిరివెన్నెల జల్లులను కురిపించగ రావా ||
చిరుచీకటి మేఘాలూ కమ్ముకున్న దు:ఖాలు
చిరునవ్వుల తెమ్మెరలను విదిలించగ రావా ||
చిరునవ్వుల తెమ్మెరలను విదిలించగ రావా ||
దూరమయ్యి మమతలన్ని చింతలెన్నొ చేరాయి
ఆత్మీయత గెలుచుకునే వరమివ్వగ రావా ||
ఆత్మీయత గెలుచుకునే వరమివ్వగ రావా ||
మనసులోని భావాలను నీ శిలకే చెప్పుకుంటు
మౌనశిలను నీ 'వాణి'తొ దీవించగ రావా ||
మౌనశిలను నీ 'వాణి'తొ దీవించగ రావా ||
……వాణి,3 sep 15
No comments:
Post a Comment