॥ అందులకే  ॥ 

మనసంతా మౌనంతో నింపినాను అందులకే  ॥ 

ఊహలనే భావాలుగ మార్చినాను అందులకే  ॥ 

చెప్పలేని ఆశలేవో హృదయంలో దాచుకునీ 

పరశించు  ప్రేమలుగా పరచినాను అందులకే  ॥ 

చేరదీయు నీమదియే నేనేలే సామ్రాజ్యం 

మరువలేని అనుభూతులు దాచినాను అందులకే  ॥ 

స్వగతాలు స్వప్నాలు హృదిలోని  ఆకాంక్షలు 

పలుకరించు  నవ్వులన్ని దోచినాను అందులకే  ॥ 

నీకోసమె నామనసే పుష్పముగా వికసించెను 

తుమ్మెదవై నీరాకకు వేచినాను అందులకే  ॥ 

మధురవాణి ఎదలోపల విహరింతలు నీవేలే 

నీ జతగా ఎగరాలని కోరినాను అందులకే ॥ 

....వాణి