॥ మనసు ఎలా ఒప్పిందో... ॥ 

నన్ను విడిచి వెళ్లేందుకు మనసు ఎలా ఒప్పిందో ॥ 

నీ బాధ్యతా మరిచెందుకు మనసు ఎలా ఒప్పిందో  ॥ 

వెనుకెనుకకు నీ అడుగులు మరలి వెళ్లి పోయాయి 

అమ్మనొదలి మరలేందుకు మనసు ఎలా ఒప్పిందో  ॥ 

ఎన్నెన్నో కోరికలను నాముందర పరచుంచి 

జ్ఞాపకాలుగా మిగిల్చెందుకు మనసు ఎలా ఒప్పిందో  ॥  

చిరునవ్వుల నీ బాల్యం కలగానే మిగిల్చెసి 

మాయమై పోయేందుకు మనసు ఎలా ఒప్పిందో  ॥  

నీవులేని ప్రపంచం నిర్లిప్తంగ కనిపిస్తూ 

మదినితడితో నింపెందుకు మనసు ఎలాఒప్పిందో   ॥ 

నీ'వాణి'యె వినిపించక గాయాలను రేపెడుతు 

కంటి చెలమలో తోసెందుకు మనసు ఎలాఒప్పిందో  ॥ 

......... వాణి