నీరునిండుగ పారకుంటే పాడిపంటకు చోటులేదు ||
ఆశవిత్తులు నాటకుంటే బతుకుపంటకు చోటులేదు ||

ఆడపిల్లలు మరుగె అయితే జీవిపుట్టుక సాధ్యమౌనా
పురిటినొప్పులు భారమంటే మరోజన్మకు చోటులేదు ||

పుడమిపచ్చగ వెలగకుంటే కలుషితమేగ ప్రకృతి అంతా
చెట్టుప్రగతిని పెంచకుంటే భవిష్యత్తుకు చోటులేదు||

మధురమైనదె మట్టివాసన కాంక్రీటుతో కప్పిపెడుతూ
నేలపైననె కొన్ని మొక్కలు జీవనమునకు చోటులేదు ||

మంచినీటికి స్వచ్చగాలికి నోచుకోక భావిజనులు
ప్రకృతి శక్తి నిర్వీర్యమైతె ప్రశాంతతకు చోటులేదు||

సహజ ప్రకృతి సౌందర్యమే కవులకల్పనగ మిగిలిపోవున
పర్యావరణం నిర్లక్షిస్తే మనిషిమనుగడకు చోటులేదు ||

...వాణి, 5 జూన్ 15