గజల్ ........

నిశబ్ధమే మదినంతా ఏలుతోంది  మౌనాలలో ॥ 

మాటలన్ని భావాలుగ మార్చుతోంది కవితలలో ॥ 

ఆకశాన్ని పలుకరించె మనసులోని ఆలోచన 

శూన్యమే స్నేహంగా పలుకుతోంది పవనాలలో ॥ 

నీప్రేమలె కురిసె నాలొ తడుపుతున్న జడివానగ 

సంతోషపు సవ్వడియే ఒలుకుతోంది పదములలో ॥ 

నిన్నలనే మరువలేని నిశలుగానె మిగిలాయి 

మెల్కొల్పుతు ఉషోదయం కురుస్తోంది ఆశలలో ॥ 

కడలిలోని నీరంతా అలలతోన పలుకరిస్తూ 

ఆశనింపు ధైర్యాలను నేర్పుతోంది కెరటాలలో ॥ 

మధుర'వాణి' ఎదురుచూపు మిగులుతోంది నిరాశగా

కొత్తపదం వెన్నుతట్టి లేపుతోంది  లాలనలో ॥ 

......... వాణి ,13 జూన్ 15