గజల్.........

కాలానికి కన్నీళ్ళే సంకెలలుగ మిగిలాయి ||
గాయానికి జ్ఞాపకాలు రుజువులుగా మిగిలాయి ||

తడికన్నులు చెపుతున్నవి ఎన్నెన్నో భాష్యాలు
రెప్పచాటు వేదనలే గాధలుగా మిగిలాయి ||

నిదురలేని రాత్రులెన్నొ అలసటెంతొ చూపులలొ
నొప్పిపడ్డ ఘడియలన్నికలతలుగా మిగిలాయి ||

కంటికింది లోతులలో కుంగుబాటు ఛాయలలొ
మనసులోని మర్మాలే మౌనంగా మిగిలాయి ||

మౌనవాణి కనురెప్పల కదలికలో భావాలు
లాలిత్యపు లాస్యాలే గురుతులుగా మిగిలాయి ||

మెరుపులెన్నొ కురిపించిన గతవైభవ గుర్తులే
ఆ కన్నుల ఆనవాళ్ళు అలసటగా మిగిలాయి ||

....................వాణి , 21 dec 15