గజల్............

రేయంతా కనురెప్పలు కలవలేదు ఎందుకనో ||
ఆశించిన స్వప్నాలే గెలవలేదు ఎందుకనో

మనసులోని నిర్లిప్తత సడిచేయని స్తబ్దత
కలతలన్ని కంటిలోన కురవలేదు ఎందుకనో ||

చూపుతాకు వెలుగులలో నీడలెన్నొ తోడయ్యెను
కాంతిస్పర్స కనుపాపను తాకలేదు ఎందుకనో ||

పెదవులలో ఆరాటం పలుకులెన్నొ ఒలకాలని
గుండెతడితొ మాటలన్ని పెగలలేదు ఎందుకనో ||

మరిలిపోయే వత్సరాలు చెదిరిపోతు బంధాలు
ఆత్మీయపు పలుకరింపు అందలేదు ఎందుకనో ||

నవ్వులతో అలలెన్నో కనులముందు తారాడెను
మధురస్మృతులు మదిలోన మెరవలేదు ఎందుకనో ||

…………..వాణి, 4 jan 16