గజల్ ......

మదినసలుపు గాయాలను మాన్పించుట సాధ్యమా ||
వేదనలో గుండెలయను ఓదార్చుట సాధ్యమా ||

సాధించని విజయమొకటి వెంటాడుతు ఉన్నది
తిరిగిరాని ఓటమినీ గెలిపించుట సాధ్యమా ||

ఆశలెన్నొ మనసుదోచి ఆహ్వానం పలుకుతాయి
తీరలేని కోరికలను అందించుట సాధ్యమా ||

సాహిత్యపు ప్రపంచమె సేదదీర్చు మనసులెన్నొ
నిత్యమైన అక్షరాన్నినిలిపుంచుట సాధ్యమా ||

కొదవలేదు కష్టాలకు నిత్యమౌతు నిజమేగా
నటియించే నవ్వులనే పూయించుట సాధ్యమా ||

మౌనమైన నీ'వాణీ' వింటూనే ఉన్నాను
కానరాని నీతనువును స్పర్శించుట సాధ్యమా ||

మరలరాని నీ రూపం మరుగైనవి చిరునవ్వులు
మనసంతా నిండివున్న రప్పించుట సాధ్యమా||

.......వాణి, 6 August 15