గజల్ ........... 

మదిదాచిన పలుకులన్నిమౌనానికి నివేదనం   ॥ 

మాటలన్ని నిశబ్దించి భావానికి నివేదనం  ॥ 

చిరునవ్వుతొ  వికసించీ విరబూసిన పువ్వులన్ని 

కోవెలలో వరములిచ్చు దైవానికి  నివేదనం  ॥ 

నిదురరాని రేయంతా మదినఎంత దిగులున్నా 

కొత్తఆశ  నింపుతున్న ఉదయానికి  నివేదనం  ॥ 

మరుగైనది గుండెదిగులు ప్రేమపంచు నేస్తంతో 

వెలికొచ్చిన నవ్వులన్ని స్నేహానికి నివేదనం  ॥ 

మమతపంచు అక్షరాలు పలుకుతున్న భావాలు 

నిర్మలమై మనసంతా కవనానికి  నివేదనం  ॥ 

గుండెనొదలి పోలేనీ మదినదాగి కలతలన్ని

మౌన 'వాణి'  బాధలన్ని కాలానికి నివేదనం ॥ 

పరిమళించు  సాహిత్యం సమకూర్చిన సంగీతం 

గళాలలో ప్రభవించి గానానికి నివేదనం 

.....వాణి