గజల్ ............

నీ కోసం పిలిచి పిలిచి అలసి పోతాను ॥
నినుచేరగ వెతికి వెతికి సొలసి పోతాను ॥

వడలిపోయి పువ్వుగా రాలిపోయి ఆకులా
చేజారిన నీరూపులొ ఇమిడి పోతాను ॥

తన్మయమై తాకాలని ఎంతో తపనపడుతు
నీ స్పర్శను చేరి మట్టిలొ కలసి పోతాను ॥

నీ చూపులు కానరాక దాటి పోయాయి
ఆకురాలి చెట్టుగానె ఎండి పోతాను ॥

నిన్నుచేరె దారులన్ని మూసుకున్నాయి
నవ్వు ఎండి గుండెతడితో నలిగి పోతాను ॥

రెప్పమూయ లేనె లేను నీ దరి చేరగా
విప్పలేని 'వాణి'గానే మిగిలి పోతాను ॥

......... వాణి , 18 Aug 15