గజల్ ....

చిరు చీకటి మేఘాలలో నీ మెరుపులు చూశాను ||
నిశినిండిన మదిలోతున నీ వెలుగులు చూశాను ||

ముత్యాలే సంద్రంలో చినుకులుగా రాలిపడె
తీరంలో తారాడుతు నీ నవ్వులు చూశాను ||

నిన్నలన్ని అమాసలై నిన్నుతలచు కున్నాయి
నేడు ఇలా జాబిలిలో నీ కాంతులు చూశాను ||

గగనంలో నీ వదనం ప్రకాశించె జలనిధిలో
కడలితోన స్నేహంగా నీ పలుకులు చూశాను ||

మౌనంలో నీ'వాణీ' చూపులతో వింటునే
ప్రేమపంచు కనులలోన నీ మమతలు చూశాను ||

............వాణి , 10 August 15