!! గజల్ ...!!

తననవ్వు అందమే దోచేసి పోయింది ||
తనమెరుపు తళుకుల్లొ తడిపేసి పోయింది ||

మౌనాన్ని పలికిస్తు గిలిగింత పెడుతూ
నా మనసు చిత్రాన్ని గీసేసి పోయింది ||

ఎడారి నడకల్లొ భారమై దరిచేర
దారంత తనప్రేమ చల్లేసి పోయింది ||

అడుగడుగు ముళ్ళెన్నొ ఆటంక పెడుతుంటె
తివాచిగ తనఎదను పరిచేసి పోయింది ||

దూరంగ వుంటూనె రమ్మంటు సైగతో
ఓ గాలి తన’వాణి’ చేరేసి పోయింది ||

తనవైపు సాగాయి పాదాల పరుగులు
నా తలపు తనవలపు ముడివేసి పోయింది ||

.............వాణి, 26 nov 15