గజల్ .......

నింగిలో తారగా మిగిలి పోయాను ||
కలతనై కంటిలో నిలచి పోయాను ||

గాయమే గుండెనే తడుముతూ వున్నది ||
గేయమై పాటలో ఒదిగి పోయాను ||

కడలిలో బిందువై కలసి కదిలాను
వానలో చుక్కగా కురిసి పోయాను ||

కాటుకా కంటిలో అందమే చూపులొ
చింతతొ చెమరుతూ చెదిరి పోయాను ||

వికసించు పువ్వుతో గాలిలొ పరిమళం
సంధ్యలో వడలుతూ రాలి పోయాను ||

మౌనమే పెదవిలో మాటలే మరుగునై
విప్పలేని వాణిగా నిలచి పోయాను ||

......వాణి, 8 dec15