నా ప్రేమ నీమదిలొ నిలిపి వచ్చేస్తాను ||
నీ గుండె దిగులంత చెరిపి వచ్చేస్తాను ||

నీ మనసు దారుల్లో నవ్వులని పరిచేసి
చూపులలొ ఆశలను గెలిచి వచ్చేస్తాను ||

ఏవేవొ కోరికలు ఊహల్లొ గిలిగింత
నేనంటె నువ్వనీ మురిసి వచ్చేస్తాను ||

అటుచూడ ఇటుచూడ ధ్యాసనే లేదాయె
చాటుగా గమనించి తడిమి వచ్చేస్తాను ||

మౌనమే అయ్యావు వాణినే మరిచావు
అరచి అరచి పిలిచేసి అలసి వచ్చేస్తాను ||

చెదరనివ్వక కలలు చూశాను వేచాను
నీ చెంత మనసంత వదిలి వచ్చేస్తాను ||

....వాణి, 10 dec 15