॥ ఎపుడో ॥ 

వేదన మనసుకు తిమిరపు జాడలు తొలగేదెపుడో ॥
దిగులే పోవుచు మిణుకుల జ్యోతులు చేరేదెపుడో ॥

నింగిలొ కనులకు విందును చేసే పున్నమివెన్నెల
చీకటి తొలగుతు మనసుకు వెలుగులు పంచేదెపుడో ॥

అందెలు పలికే రవళులు వీనుల విందే కాదా
నాదరి చేరుత శబ్దపు అడుగులు మురిసేదెపుడో ॥

విరిసే పెదవులు దరహాసంతో మౌనము మాయం
వీడిన బంధం 'వాణి'ని చేరుతు మాటలు పలికేదెపుడో ॥

గెలుపోటములకు అలలే చెప్పెడి పాఠం చూడు
విజయం వరమే అవుతూ ఆశలు తీరేదెపుడో ॥

కలలో ఇలలో కలతలు లేనీ జీవన యానం కావాలి
నిత్యం హసితం పంచుతు నవ్వులు కురిసేదెపుడో ॥

....వాణి , 15 May 15