॥ అలజడి॥ గజల్

స్పర్సించే మనసులోన జ్ఞాపకాల అలజడిలే ॥
దాచలేక మనసులోన కలవరముల అలజడిలే॥

అంతరమున మానసాన్ని మెలిపెట్టే దు:ఖాలే
కడలిలాగ మనసులోన లోలోపల అలజడిలే ॥

పలుకులన్ని కరువౌతూ పెదవులనే కదపలేక
వెలిబుచ్చక మనసులోన పలవరముల అలజడిలే ॥

గెలవలేని సంగ్రామం మెలిపెట్టును గురుతులతో
ఆగాయం మనసులోన నిశబ్దాల అలజడిలే ॥

మధుర'వాణి' ఆశయాలే కుప్పకూలి పోయాయి
రేపెడుతూ మనసులోన చెమరింతల అలజడిలే॥

నీ భవితను దిద్దలేక వెలితిగానె మిగిలాను
ఈఅమ్మకి మనసులోన దు:ఖాల అలజడిలే॥

.....వాణి ,