॥ లోటులేదు॥

ఆశవిత్తులు మొలకలెత్తితె  ఆనందానికి లోటులేదు॥    

మొలకలన్నీ చిగురుతొడిగితె జీవితానికి లోటులేదు॥    

నేలమురిసెను చినుకుతడులతొ పల్లవించెను తరువులన్నీ 

పంటపొలాల పచ్చదనంతొ ధాన్యరాశికి లోటులేదు ॥   

ఆత్మశోధన అవసరములే ప్రతిమనిషికి సమాజములో 

పరిమళించని ప్రకృతి శక్తుల నిరాదరణకి లోటులేదు ॥   

దగ్గరితనం దూరమయ్యీ స్పర్శలవర్షం కావాలని 

మనసులోగిలి కోరుకుంటూ వియోగాలకి లోటులేదు ॥   

నిశలుతడుపుతు హృదయమంత భారమాయెను జీవితములో 

తట్టిలేపెడి జ్ఞాపకాలలో విషాదాలకి లోటులేదు॥    

ఎదురొచ్చేటి దారులన్నీ ఆశలతివాచీలు పరచీ 

మనసుఎంతో తుళ్ళిపడుతూ సంతసానికి లోటులేదు॥   

మధుర'వాణీ' అంతరంగం విహరించేను స్వప్నలోకం 

గెలుచుకుంటే కలలజగమే సంబరానికి లోటులేదు॥    

 ..... వాణి