॥ ఎవ్వరో॥ 

కాన్వాసుపై ఆ అందం దిద్దిందీ  ఎవ్వరో  ॥  

నా మదిలో సౌందర్యం మలచిందీ ఎవ్వరో  ॥  

నిన్నునేను పూర్తిగా గెలవలేక పోయాను 

నీవునాకు కాకుండా దోచిందీ  ఎవ్వరో  ॥  

నన్నునీలో నిలుపలేక  భ్రాంతితోనె  మిగిలాను

వేదనలో రోదనలో తోసిందీ ఎవ్వరో  ॥  

శ్వాశ్వితముగ  నీ హృదిలో నిలవాలని భావించా 

నా బాటకు అంతరాయం చేసిందీ  ఎవ్వరో  ॥  

ప్రియసఖియ మనోరధము నాదేనని తెలుసులే

నిర్బంధపు బంధనాన్ని గెలిచింది ఎవ్వరో ॥  

.....వాణి