Thursday, 28 May 2015

॥ రారమ్మని పిలుస్తోంది ॥ 


సిరిమల్లియ విచ్చుకునీ రారమ్మని పిలుస్తోంది  ॥
కురులలోన చేరుకునీ రారమ్మని పిలుస్తోంది॥ 

ప్రతీక్షించు.వియోగాలు చెలిమోమున కనిపిస్తూ 
ప్రణయమునే నింపుకునీ రారమ్మని పిలుస్తోంది  ॥ 

సహచరునీ  రాకకొరకు వికసించిన నేత్రాలే 
బిడియాలే దాచుకునీ రారమ్మని పిలుస్తోంది ॥  

కనులనిండ తనరూపము చెప్పలేని సంకోచం 
మరుమల్లెలు తురుముకునీ రారమ్మని పిలుస్తోంది  ॥ 

విప్పలేక పెదవులనే వెలిబుచ్చని 'వాణి'యలే 
నివేదించ భావాలని రారమ్మని పిలుస్తోంది  ॥ 

....వాణి 

No comments:

Post a Comment