గజల్............

పెల్లుబికే దు:ఖాలను ఆపలేరు ఎవరైనా
కన్నీటికి చిరునవ్వును అద్దలేరు ఎవరైనా ||

చీకటింటి మౌనభాష తలగడనే వింటున్నది
అంతులేని ఆత్మబాధ మోయలేరు ఎవరైనా ||

చెక్కుకుంటు నవ్వులనే స్వచ్చతనే గెలవలేక
జ్ఞాపకాల ఆనవాళ్ళు చెరపలేరు ఎవరైనా ||

గాయాలే అనుభవమై కన్నీటితొ పోరాటం
సానుభూతి చూపులనే ఓపలేరు ఎవరైనా ||

వేదనలూ వెన్నెలలూ పూర్తవునా బతుకుబాట
కంటిపాప తడవకుండా దాటలేరు ఎవరైనా ||

నిదురలోన ఒలుకుతాయి ఎన్నెన్నో స్వప్నాలూ
నిజములోన కలలన్నీగెలవలేరు ఎవరైనా ||

చివరాఖరి గమ్యమేమో మట్టిఅనీ తెలిసినా
ధనముపైన వ్యామోహం వీడలేరు ఎవరైనా ||

...........వాణి, 22 jan 16