గజల్......

నింగిలోన నీకోసం వెన్నెలనై వేచాను ||
నాజాడలు తెలపాలని వెలుతురునై ఒలికాను ||

మబ్బులలో దాగుంటూ మౌన గీతం పాడుతూ
చిరునవ్వుగ చిరుజల్లుల వర్షమునై తడిమాను||

పరిమళాల ప్రకృతిలో వసంతాల ఆకృతిగ
ఓ నవ్వుల సవ్వడిగా సమీరమై వీచాను ||

మధురూహల మౌనంతో దోబూచులు ఆడుతూ
నీ కన్నుల కాంక్షలలొ కాంతినై వెలిగాను ||

నీ తలపుల విరహాలకు ఆలంబన అవుతూ
నీ మనసున మరందాల కుసుమమునై విరిశాను ||

మౌనవాణి అనురాగం ఒలుకుతోంది ఓరాగం
మధురూహల కెరంటంలా కావ్యమునై పలికాను ||

...........వాణి, 26 jan 16