గజల్........

నీరదములొ తేజమునే వెలిగించే తీరాలి ||
ఓ కాంతి కిరణంలా ప్రవహించే తీరాలి ||

విషాదాల నీలి నీడ చీకటిలో కలిపేస్తూ
వెలివేసిన నవ్వులన్ని వికసించే తీరాలి ||

నిట్టూర్పుల సడులెన్నో వెంటాడుతు ఉన్నకాని
ఆశపడ్డ ఆశయాలు గెలిపించే తీరాలి ||

అసహాయత ఆవేదన నిండిపోయి జీవితాల్లొ
ఉత్సాహపు ఉషోదయం జ్వలియించె తీరాలి ||

చివరాఖరి మజిలీల వార్ధక్యపు నిరాసక్తి
నిర్వేదం బతుకుల్లో తొలగించే తీరాలి ||

మౌనవాణి మనసులోన సడిచేయని ఆనందం
కన్నీటితొ వేదననే ఒలికించే తీరాలి ||

..........వాణి, 27 jan 16