గజల్.........

జ్ఞాపకంలొ పదిలమైన ఘటనలెపుడు మరువలేను ||
కరుగుతున్న కాలంలో కాంతులెపుడు మరువలేను ||

చిరునవ్వులు సిరులేగా వ్యధనిండిన కధలలోన
ఆదుకున్న ఆత్మీయుల సాయమెపుడు మరువలేను ||

ప్రతిజీవికి తప్పదులే చివరాఖరి ప్రయాణాలు
మానవతను నిలబెట్టిన మనిషినెపుడు మరువలేను ||

మగువగెలుచు అమ్మతనం మధురమైన ఆనందం
పరిపూర్ణత సాధించిన గెలుపునెపుడు మరువలేను ||

గాయపడ్డ జీవితాలు మౌనచింత మోస్తున్నవి
మౌనవాణి గుండెమోయు ఓటమెపుడు మరువలేను ||

తల్లిపమిట కొంగుతోన ఆడుకున్న బూచాటలు
అమ్మఒడిలొకమ్మదనపు స్పర్శనెపుడు మరువలేను ||

..........వాణి, 20 jan 16