గజల్ ...............

మనసునెపుడూ గాయమేదో పలుకరిస్తుంది ||
చూపుతాకని దృశ్యమేదో గుర్తుకొస్తుంది ||

ఆశలెన్నో చెదిరినా నడక ఆగలేదు
కొత్త వేకువ వెలుగుఏదో తీసుకొస్తుంది ||

చిలిపినవ్వులు జ్ఞాపకాలతొ సర్దుకుంటు
నిజములోనే నవ్వుఏదో చేరవస్తుంది ||

తీరానికెపుడూ అలల దెబ్బల తాకిడే
ప్రోత్సహించే పాఠమేదో ధైర్యమిస్తుంది ||

గెలవలేని గురుతులేగా వేదనౌతాయీ
తరలిపోయిన నడకఏదో నడచివస్తుంది ||

మౌన'వాణీ' మనసునంతా నిశబ్దమౌతు
గుండెతడితో భావమేదో వెలికివస్తుంది ||

....వాణి ,13 jan 16