Friday, 31 July 2015

|| గజల్ ||
తరతరాల తలరాతను తుడిచేస్తూ సాగిపో
అబల అనే నీ ముద్రను చెరిపేస్తూ సాగిపో
అహంకార హుకూంలకు తలవంచకు ఇకమీదట
సర్ధుబాట్లు ఓటములను అణిచేస్తూ సాగిపో
సుకుమారం సహనత్వం నీదేనని ఒప్పించిన
నీధైర్యం సడలనీక గెలిపిస్తూ సాగిపో
అమ్మతనం ఆడతనం నీదేగా గొప్పతనం
అవరోధా లెన్నైనా తొలగిస్తూ సాగిపో
రోదసిలో నీఆడుగులు సైన్యంలో నీకదలిక
నీధీరత గుర్తులన్ని చూపిస్తూ సాగిపో
కొత్తేమీ కాదు కదా చరిత్రలో మగువ ఘనత
నీ'వాణీ' యువజగతికి వినిపిస్తూ సాగిపో
పులిపైననె నీస్వారీ నీధైర్యం గెలవాలి
నీచూపుతొ ప్రపంచాన్ని పలికిస్తూ సాగిపో
.......వాణి, 

No comments:

Post a Comment