|| గజల్ ||

ఎంత మౌనం ఒలికితే ఒక భావమౌతుందీ ||
మదిని ఎంతగ చిలికితే ఒక గేయమౌతుందీ ||

దాగివుండె గుండె నిండా చెరిగిపోని వేదనె
ఎన్ని గురుతులు చేర్చితే కత కధనమౌతుందీ ||

కనులు మూయలేదు కాని రెప్పలపై అలికిడౌతు
కన్నీరెంత కార్చితే ఎద గాయమౌతుందీ ||

వెనుదిరిగి తరచి చూస్తే ముళ్ళకంపల ఛాయలె
ఎన్ని స్మృతులు పేర్చితే మది కావ్యమౌతుందీ ||

గతపుస్తకం తెరిచి చూస్తే కన్నీటి కధలుఎన్నొ
ఎన్ని బాధలు కూర్చితే అది గ్రంధమౌతుంది ||

బతుకు అంతా ప్రశాంత చిత్తము ఆవరిస్తే
కనులు కూడా ఓడితే కల సాధ్యమౌతుందీ ||

మధుర'వాణీ' అంతరంగము మౌనమనసై పలుకుతూ
దిగులు గుండెను గుచ్చితే కద కవనమౌతుందీ||

........వాణి, 29 july 1