గజల్ ........ 

తూర్పులోన మందారం పూసినట్లు ఉందిలే ॥ 

రవితేజం ఆకశాన మెరిసినట్లు  ఉందిలే ॥ 

సుప్రభాత సుమాలన్ని వికసిస్తూ చిరునవ్వుతో 

మనసంతా ఉల్లాసం పంచినట్లు  ఉందిలే ॥ 

తారాడుతు భ్రమరాలే విరితేనెకు వెదుకుతూ 

పువ్వులపై వాలగానె మురిసినట్లు  ఉందిలే ॥ 

జ్ఞాపకాల వనములోన విహరించెను మనసేమో 

గురుతులన్నీ గేయాలుగా మారినట్లు  ఉందిలే ॥ 

మధుర'వాణి' మౌనపలుకు కవనంలో పంచుతోంది 

అనుభవమే భావంగా ఒలికినట్లు ఉందిలే ॥ 

....వాణీ