॥ జీవితం ॥ 

తప్పుఒప్పుల సవరణలతో సాగిపోవుటె జీవితం ॥ 

ఎదురుదెబ్బలు అనుభవాలుగ మార్చుకొనుటె జీవితం ॥ 

గతంనిలిపిన గాయాలన్ని చెరపలేనీ గురుతులే 

మనసునేదో వ్యాపకంతో సర్ధిచెప్పుటె జీవితం ॥ 

మారుతున్నది మనుషులేగా మంచితనమే మరచిపోతూ  

తమనితామే మలచుకుంటూ మేలుకొనుటే జీవితం॥ 

కుటుంబాలలొ కలతలెన్నో డబ్బుమయమై మనసులన్ని 

కల్మషాలే లేకుండగా ప్రేమపంచుటె జీవితం॥ 

ఈర్షలు ద్వేషాలు  పెరుగుతు స్నేహ హస్తం మాయమై 

మనిషితనమే నిలుపుకుందుకు సహకరించుటె జీవితం॥ 

కష్టాలలో ఎదుటివారికి చెలిమిహస్తము ఇవ్వవోయీ 

మానవత్వం సాటివారిపై చూపగలుగుటె  జీవితం॥ 

మధుర'వాణి'  అంతరంగం కరిగిపోనీ  కంటకాలే 

కలతమనసును గట్టిపరచుట నేర్చుకొనుటే  జీవితం॥ 

.....వాణి