॥ గజల్॥
నిశబ్దమై పోతున్నా నీవులేని లోకంలో ॥
చేష్టలుడిగి మిగులున్నా నీవులేని గమనంలో ॥

నిరాశలతో మనసంతా అడవిలాగ మారుతోంది
ఆశలెన్నో చూస్తున్నా నీవులేని ప్రశ్నలలో ॥

గాయాలని చెరపలేక గమనాన్ని ఆపలేక
దిక్కులన్ని వెతుకుతున్నా నీవులేని యామినిలో॥

కనురెప్పల అలికిడిలో నీస్మరణే వినిపిస్తూ
వెతకలేక పోతున్నా నీవులేని చూపులలో ॥

నిట్టూర్పుల తడులలోన స్పర్శించే నీపేరే
తాకలేక తడుముతున్నా నీవులేని జాడలలో ॥

మధుర'వాణి' అక్షరంలొ ప్రతిపదము నీదేలే
భావాలనె ఒలుకుతున్నా నీవులేని ధ్యాసలలో॥

... ...వాణి