/తెలుగు గజల్/

తొలకరిలో తడిసి మట్టి వాసనెంత బాగుందీ
చిరుజల్లుకు పులకించే వదనమెంత బాగుందీ

హరివిల్లును చూస్తుంటే మనసు తృళ్ళి పడుతుంది
రంగుల్లో మెరవాలని కోరికెంత బాగుందీ

చిరువెచ్చని ఉషోదయం అనుభూతీ హాయిగా 

విరబూసిన కుసుమాలలొ అందమెంత బాగుంది

పసిపాపలు  అమ్మఒడిసామ్రాజ్యపు రాజులేగ 

అమ్మస్పర్శ కురిపించే ప్రేమఎంత బాగుందీ

అక్షరాల అమరికలో మానాలను ఏలుతూ
మధుర'వాణి' పదాలతో అల్లికెంత బాగుందీ