॥ నీవేగా ॥

నా విరహపు పూదోటలొ పూబంతివి నీవేగా
నా తలపుల మైమరపుల సీమంతివి నీవేగా

మూసివున్న కన్నులతో నీఊహలొ నేనుంటే
కౌగిలిలో హత్తుకున్న చేమంతివి నీవేగా

ఏకాంతపు నాకలలకు ఊపిరులే పోస్తుంటే
ప్రేమలతో పరవశింపు కలహంసివి నీవేగా

మిన్నంటే నీప్రేమే ఆలంబన అవుతుంటే
నా మదిలో కొలువుండే లలితాంగివి నీవేగా

తొలిచూపులొ మదిచేరిన నీకోసమె పలవరింత
మధుర'వాణి' వినిపించే కలకంఠివి నీవేగా...||

........వాణి,